تخطَّ إلى المحتوى
خدمة للشركات — مجانية في الفترة الأولى

اختبر المحاسب قبل ما تعيّنه، كأنه قاعد قدام المدير المالي

سجّل شركتك، ضيف المرشحين، وكل مرشح ياخد اختبار محاسبة ومالية على مستوى الوظيفة. النتيجة توصلك تقرير مقابلة فنية جاهز للطباعة.

5مستويات وظيفية
6مجالات
670سؤال في البنك

إزاي بتشتغل

  1. سجّل الشركةاسم الشركة والمجال والدولة وإيميل الشغل. بنراجع الملف ونفعّله.
  2. جهّز الاختباراختار مستوى الوظيفة: حديث التخرج، خبرة سنة لسنتين، 3 لـ 5 سنين، رئيس حسابات، مدير مالي. وعدّل المجالات والعدد والوقت لو حابب.
  3. ابعت للمرشحكل مرشح ياخد رابط وكود يستخدمهم مرة واحدة، من جهاز الشركة أو من جهازه. مش محتاج حساب على الموقع.
  4. شوف النتيجةالنسبة، والمستوى المناسب، وكل مجال لوحده، ونقاط القوة والضعف، ومراجعة الإجابات، ومقارنة بين المرشحين.

اختبار عادل

  • أسئلة عشوائية من بنك كبير، فكل مرشح بياخد أسئلة مختلفة بنفس المستوى.
  • ترتيب الاختيارات بيتغير لكل مرشح.
  • محاولة واحدة ووقت واحد للاختبار كله، والتصحيح على السيرفر.
  • بنسجّل الخروج من الصفحة ومن ملء الشاشة كملاحظة للشركة. من غير كاميرا.

المجالات

  • محاسبة مالية وقيود وتسويات.
  • المعايير الدولية للتقارير المالية.
  • تكاليف، وضرايب (قيمة مضافة ودخل وضريبة مؤجلة).
  • تحليل وإدارة مالية، ومواقف عملية من الشغل اليومي.

أسئلة متكررة

بكام؟

مجاني في الفترة الأولى: 3 شهور أو أول 30 مرشح، أيهما يخلص الأول. بعدها اشتراك شهري حسب عدد المرشحين.

المرشح محتاج يعمل حساب؟

لأ. بيفتح الرابط أو يكتب الكود، ويوافق على الشروط، ويبدأ.

مين يشوف النتيجة؟

الشركة اللي بعتت الاختبار بس. المرشح بيشوف رسالة إن الاختبار اتسلّم.

البيانات بتتحفظ قد إيه؟

الإجابات التفصيلية بتتمسح بعد 12 شهر ويفضل ملخص النتيجة. والشركة تقدر تمسح أي مرشح في أي وقت.